Mjúkar ferðatöskur eru yfirleitt léttari en þær hörðu og eru einnig slitsterkar og fjölbreyttar. Auðvelt er að pakka í mjúkar ferðatöskur þar sem þær gefa þér möguleika á að setja aðeins meira í þær. Auk þess er auðveldara að koma þeim fyrir í þröngum aðstæðum þar sem þær gefa meira eftir en harðar töskur.

Harðskelja töskur eru yfirleitt endingarbetri en þær mjúku og merkilega léttar. Þær eru áreiðanlegar þegar kemur að því að verja farangurinn þinn gegn hnjaski.

Handfarangurstöskur, sem stundum eru kallaðar flugfreyjutöskur, má yfirleitt taka með um borð í flugvélina - svo lengi sem taskan uppfyllir reglur flugfélagsins hvað handfarangur varðar. Þær eru minni en hefðbundnar ferðatöskur og koma bæði sem mjúkar og harðar. Við val á handfarangurstösku er gott að kynna sér vel hvaða stærð viðkomandi flugfélag leyfir um borð.