Fallegar flokkunartunnur - A4 húsgögn

Flokkum með glæsibrag

Endurvinnsla er mikilvæg, nú sem aldrei fyrr, og til að tryggja að hún gangi sem best fyrir sig er mikilvægt að hafa gott flokkunarkerfi á heimilinu og vinnustaðnum. Fallegar, notendavænar og vel skipulagðar flokkunartunnur hvetja fólk til að taka virkan þátt í að flokka rétt svo hægt sé að endurvinna á skilvirkan - og snyrtilegan hátt.

Cube Design er danskt húsgagnafyrirtæki sem framleiðir m.a. vandaðar og fallegar flokkunartunnur sem koma í mörgum útfærslum og hægt er að aðlaga þörfum hvers og eins. Fyrirtækið leggur sjálft mikla áherslu á umhverfisvernd og sjálfbærni og að vörur þess standist álag og tímans tönn.

Quadro - smart og notadrjúgar

Quadro eru fallegar og vandaðar flokkunartunnur frá Cube Design sem ekki einungis eru frábærar til að flokka úrgang heldur eru þær líka einstaklega smart. Þær koma í ýmsum stærðum, gerðum og litum og hægt er að setja þær saman eftir þínum smekk og þörfum. Þær eru fáanlegar í mismunandi breiddum; með einni, tveimur eða þremur einingum.

Quadro-flokkunareiningarnar eru hugsaðar sem flokkunartunnur en auðvitað er vel hægt að nota þær sem hefðbundnar ruslafötur, eins og til dæmis í mötuneyti.

Einfaldar í þrifum og viðhaldi

Platan er með vandaðri plasthúð sem auðveldar þrif og viðhald og hægt er að velja úr nokkrum útgáfum af plötum.

Ruslapoki er settur í grind með útdraganlegum ramma sem tryggir að úrgangurinn lendi alltaf í pokanum.

Quadro-flokkunartunnurnar koma með stöðluðum handföngum, sem eru kringlótt og innfelld en hægt er að velja úr öðrum gerðum handfanga.

Einföld flokkun

Þrjú stöðluð op eru í boði á tunnunum:
Rétthyrnd fyrir pappír
Þríhyrnd fyrir málm
Kringlótt fyrir plast

Umhverfisvernd og sjálfbærni

Allt frá árinu 1980 hefur Cube Design lagt áherslu á sjálfbærni og umhverfisvernd. Fyrirtækið er með FSC® vottun sem þýðir m.a. að ekki eru felld fleiri tré en skógurinn nær að endurnýja og að dýra- og plöntulíf er verndað.

Það er einnig með ISO 14001 og EU vottun, umhverfismerki Evrópusambandsins, þar sem allur ferillinn er metinn í vottunarferlinu; umhverfisáhrif af auðlindanýtingu, framleiðsla, flutning og notkun.