Skilgreint vinnusvæði
Grundvallar atriði við að vinna heima er vinnusvæðið og aðstæður starfsfólks. Við bjóðum upp á vörur sem hjálpa þér að skapa þitt eigið vinnurými, þar sem þú getur lagt frá þér vinnuna í loks dags.
Það standa margir frammi fyrir því að vera ekki með aðstöðu heima fyrir, en þurfa að vinna heima. Sumir eru heppnir og eru með skrifstofu heima við en margir þurfa að vinna á eldhúsborðinu. Hvað gerist þegar klukkan er orðin fjögur og fjölskyldulífið á að taka við? Þá viltu ekki vera með vinnuna úti um allt heima hjá þér. Þá er gott að geta tekið dótið til hliðar, sett í bakka og hann upp í hillu.
Mikilvægt er fyrir fólk að viðhalda sinni rútínu eftir fremsta megni. Vera með skilgreint vinnusvæði, vakna og klæða sig í vinnufötin, setja jafnvel á sig varalit og/eða vax í hárið ef það er vaninn. Þegar sest er niður á ákveðið svæði og þá er viðkomandi kominn í vinnuna og tilbúin að tækla vinnudaginn.
Það getur verið krefjandi að sameina vinnu og heimili en það eru nokkur atriði sem gera okkur enn fremur kleift að takast á við þær áskoranir. Okkur skortir aðstöðu, plássið er minna og við höfum ekki það sama við höndina og á vinnustaðnum.
Fjögur atriði er vert að hafa í huga þegar vinnan færist inn á heimilið:
- Vera með vinnusvæði
- Hafa verkefnalista
- Skipuleggja vinnudaginn
- Vera í góðu sambandi
