DAS-leirinn frá ítalska fyrirtækinu Fila er vinsæll og margnota, sjálfþornandi leir, þekktur fyrir gæði og fjölbreytta notkunarmöguleika. Hann er glútenfrír, úr náttúrulegum efnum og án eiturefna.

Leirinn hefur verið framleiddur frá árinu 1963 og hefur notið mikilla vinsælda í ýmiss konar föndur og listsköpun, bæði hjá byrjendum og lengra komnum. Auðvelt er að móta hann og hægt er að pússa hann til dæmis, mála og lakka, skera út form eða stimpla í hann mynstur.

Hér bjuggum við til jólaskraut til að hengja á jólatré eða -grein, en hægt er að leika sér með útfærslurnar eins og hver vill.

1. Fletjið út leirinn og notið svo piparkökuform, leirform eða glas/glös til að skera út

2. Það má stimpla mynstur í leirinn með ýmsu móti, hér er búið að perla jólamynstur með strauperlum og það svo notað til að stimpla í leirinn

3. Gerið gat í leirinn svo hægt verði að þræða borða í gegn til að hengja skrautið upp

4. Látið leirinn þorna í a.m.k. 24 klukkutíma

5. Þræðið borða í gegnum gatið á leirnum, leggið borðann saman og þræðið hann í gegnum trékúlu, bindið hnút

6. Dragið borðann til þannig að hnúturinn fari inn í kúluna og sjáist ekki

7. Vefjið lítinn bút af skrautlengju utan um borðann