Viðbrögð A4 við Covid 19

Nú þegar alþjóðleg áhrif kórónaveirunnar (COVID-19) eru enn að koma fram leggur A4 áherslu á að tryggja heilsu og öryggi viðskiptavina okkar, starfsfólks og samfélagsins í heild. Við fylgjumst grannt með þróun mála og förum í einu og öllu að fyrirmælum heilbrigðisyfirvalda.

Afhending vefverslun

Við höfum jafnframt tímabundið hætt afhendingu á netpöntunum frá vöruhúsi okkar að Köllunarklettsvegi 10 , en afhendum netpantanir viðskiptavina okkur nú frá verslun okkar í Skeifunni ásamt samdægursheimsendingu með A4 bíl og afhendingarmáta Póstins.

Til þess að koma til móts við viðskiptavini okkar og stuðla að sem mestu öryggi í afhendingu þá er nú frí heimsending og afhending í póstbox á pöntunum sem gerðar eru á a4.is og legobudin.is. Póstbox eru snertilaus afhending sem við mælum með að viðskiptavinir nýti sér.

Afgreiðslutími verslana

Afgreiðslutími verslana okkar tekur mið af þeim aðstæðum sem nú ríkja og getur tekið breytingum með litlum fyrirvara. Við munum alltaf uppfæra upplýsingar um afgreiðslutíma í verslunum okkar á A4.is og bendum viðskiptavinum okkar upplýsingasíðu okkar um afgreiðslutíma sem við uppfærum samhliða öllum breytingum.

Upplýsingar um afgreiðslutími verslana A4

Þrif og ráðstafanir í verslunum

Við leggjum áherslu á að viðskiptavinir virði 2 metra aðskilnað og nýti sér snertilausar greiðslulausnir við afgreiðslu í verslunum okkar. Talið er inn og út úr verslunum og tryggt að aldrei séu fleiri en 20 viðskiptavinir í verslunum.

Ekki er lengur tekið við reiðufé í verslunum. Hægt er að greiða með greiðslukortum, Netgíró og Síminn Pay.

Við höfum skerpt á vinnureglum varðandi mikilvægi þess að sótthreinsa yfirborð á innkaupakerrum, vöruhillum og afgreiðslukössum.

Lögð er mikil áhersla á að starfsfólk okkar sé vel upplýst um gang mála og viljum þakka viðskiptavinum okkar fyrir þolinmæðina og munum kappkosta að veita eins góða þjónustu og okkur er unnt á meðan þetta ástand varir.