Skáld skrifa þér - 1920 til nútímans

Skáld skrifa þér tekur fyrir mikinn umbrotatíma í íslenskri bókmenntasögu og er ætluð til kennslu í lokaáfanga kjarna í íslensku.
Hér er fjallað um helstu bókmenntastefnur tímabilsins og rithöfundum gerð góð skil. Fjölmörg dæmi eru birt um texta skáldanna og er bókin því bæði ágrip af bókmenntasögu og sýnisbók.
Að auki taka skáld og rithöfundar þátt í verkinu með því að skrifa sendibréf, ýmist til annarra höfunda eða nemenda.
Höfundar bókarinnar, Elínborg Ragnarsdóttir og Sólveig Einarsdóttir, hafa kennt íslensku á framhaldsskólastigi um langt skeið og eru meðhöfundar kennslubókaflokksins Tungutak.