0 Engin vara í körfu
Karfan mín
close
Samtals: 0 kr.
Afgreiðslutímar

Pósturinn dreifir fyrir A4

A4 og Pósturinn hafa undirritað þriggja ára samstarfssamning þess efnis að Pósturinn muni sjá um vörudreifingu á sendingum A4 um land allt.

A4 er í leiðandi á sviði skrifstofuvara og skrifstofuhúsgagna ásamt skóla-, gjafa-, föndur- og hannyrðavara. Fyrirtækið leggur höfuðáherslu á góða og faglega þjónustu til viðskiptavina sinna. A4 rekur sjö verslanir undir eigin nafni um land allt, þar af fjórar á höfuðborgarsvæðinu. Þá rekur fyrirtækið einnig verslanirnar Panduro og Lego búðina í Smáralind.

Pósturinn leggur mikinn metnað í að veita viðskiptavinum sínum framúrskarandi og áreiðanlega þjónustu á sviði vörudreifingar. Dreifikerfi fyrirtækisins er víðfermt og nær til allra landsmanna.

„Við hlökkum til samstarfsins en það er okkur afar mikilvægt að vörur skili sér með áreiðanlegum hætti til viðskiptavina og að þjónustuupplifun þeirra sé góð. Það er helsta ástæðan fyrir því að við völdum Póstinn, við þekkjum þjónustuna mjög vel og treystum á að Pósturinn muni sinna þessu verkefni að mikilli kostgæfni.“ Segir Ásta Björk Matthíasdóttir, fjármálastjóri A4.

„Samstarfið hefur gengið vonum framar og árangur verið góður síðustu ár. A4 er mjög flott fyrirtæki sem leggur sama metnað og við í að þjónusta viðskiptavini sem allra best.“ segir Viðar Blöndal viðskiptastjóri Póstsins.

„Það er okkur mikilsvert að vera í samstarf við svona öflugan aðila eins og A4. Pósturinn hefur tekið miklum breytingum á síðustu árum og vörudreifing er orðin okkar helsta þjónusta. Við erum gríðarlega ánægð með þetta samstarf og traustið sem A4 sýnir okkur.“ segir Elvar Bjarki Helgason, forstöðumaður sölu- og þjónustudeildar Póstsins.