0 Engin vara í körfu
Karfan mín
close
Samtals: 0 kr.
Afgreiðslutímar

Reykjavíkurborg semur við A4 um kaup á ritföngum fyrir alla nemendur grunnskóla borgarinnar.

Skóla- og frístundarsvið Reykjavíkurborgar ákvað að ganga til samninga við A4 um kaup á ritföngum fyrir alla nemendur grunnskóla Reykjavíkurborgar fyrir skólaárið 2018 - 2019. Samningurinn er undirritaður í kjölfarið á útboðsferli þar sem gerðar voru kröfur um gæði og gott verð.

Tveir aðilar lögðu inn tilboð í útboðinu og varð A4 hlutskarpast bæði í gæðamati og verðmati. Þetta er í fyrsta skiptið sem Reykjavíkurborg kaupir ritföng fyrir nemendur grunnskóla borgarinnar.

Samningurinn tryggir Reykjavíkurborg heimsþekkt gæðamerki á hagkvæmu verði. Má þar nefna Faber-Castell, Durable og Stabilo.    

A4 hefur lagt metnað sinn í að vera leiðandi á sviði skrifstofuvara, skrifstofuhúsgagna, skóla-, gjafa-, föndur- og hannyrðavara, með áherslu á góða og trausta þjónustu við sína viðskiptavini. 

Ritföngin verða afhent í grunnskóla Reykjavíkurborgar fyrripartinn í ágúst og verða því tilbúin til notkunar þegar skólastarf hefst í grunnskólum borgarinnar þann 22. ágúst 2018.

A4 fagnar ákvörðun ákvörðun Reykjavíkurborgar og hlakkar til samstarfsins