A4 Húsgögn
Við verjum að jafnaði einum þriðja dagsins á skrifstofunni og því er rétt andrúmsloft á vinnustað lykilþáttur þegar kemur að heilsu og vellíðan starfsfólks. Vandað vinnurými með hágæða skrifstofuhúsgögnum er lykilþáttur í því að búa til réttar vinnuaðstæður. Skapandi andrúmsloft þar sem hugmyndirnar flæða og vinnan verður leikur einn.
Hvort sem það er góð hljóðvist og birta, rétt líkamsstaða eða pláss til að eiga stund í góðu næði þá er nauðsynlegt að velja lausnir sem skapa aðstæður fyrir þægindi og afslappað andrúmsloft. Slíkar aðstæður leiða svo aftur af sér minna stress, betri líðan hjá starfsfólki og þar af leiðandi bætt vinnuframlag.
Áherslu á opin vinnurými fylgir svo þörfin á því að skipuleggja rýmið þannig að hægt sé að taka símtöl í friði, eiga stutt samtöl við vinnufélaga eða taka sér stundarhvíld án þess að vinnufriði sér stefnt í hættu. Þar kemur sérfræðiþekking og ráðgjöf okkar þrautreynda starfsfólks til skjalanna ásamt samstarfi við nokkra af fremstu birgjum heims á sviði skrifstofuhúsgagna.
Við erum til staðar
Með náinni samvinnu við þig, þar sem þarfir þíns fyrirtækis eru í forgrunni, tryggja ráðgjafar okkar að við finnum þær lausnir sem henta best þegar kemur að uppsetningu skrifstofurýmisins. Hafðu samband við sérfræðinga okkar og saman finnum við út hvað hentar þínu fyrirtæki best.