Vilhjálmur S. Eiríksson, framkvæmdarstjóri sölu og vörustýringar A4 ásamt þeim  Söndur Hrafnhildi Harðardóttir frá Samhjálp, Völu Magnúsdóttur og Sigrúnu Ástu Einarsdóttir frá A4.

Afhentum Samhjálp styrk upp á 2,2 millj. kr.

Vilhjálmur Sturla, framkvæmdarstjóri sölusviðs A4, afhenti Söndru, verkefnastjóra Samhjálpar, á dögunum afraksturinn af sölu Snjókornsins sem selt var í verslunum A4 fyrir jólin. Snjókornið var unnið úr plasti sem til féll hjá fyrirtækinu og var hugmyndin sú að hægt væri að nýta það sem pakkaskraut, til að hengja á jólatré eða á grein eða í glugga eins og óróa. Snjókorn varð fyrir valinu þar sem ekkert snjókorn er eins, rétt eins og hver einstaklingur er einstakur.

Alls söfnuðust 2,2 milljónir króna sem renna óskertar til Samhjálpar og munu geta veitt yfir 800 heitar máltíðir til þeirra sem leita á kaffistofu samtakanna en aðsóknin hefur aukist jafnt og þétt undanfarin ár.

Þetta hefði ekki verið mögulegt án okkar frábæru viðskiptavina, sem eru með hjartað á réttum stað, og lögðu söfnuninni lið. Hjartans þakkir!