Flip 7 PEG

Snúðu við spilum, einu í einu, án þess að fá sömu töluna tvisvar.

Hljómar einfalt? Gettu aftur! Þetta er ekki bara einhver spilastokkur. Í Flip 7 er aðeins einn ás, tveir tvistar, þrír þristar, og svo framvegis, plús fullt af sérstökum spilum sem gefa þér aukastig, gefa annan séns, eða frysta þig eða andstæðing þar sem þau eru.

Ertu týpan sem tekur enga sénsa og tekur stigin áður en þú springur, eða ætlar þú að leggja allt undir og reyna að fá bónusstig með því að snúa við sjö spilum í röð? Reyndu á heppnina, jafnt sem klókindin í þessu skemmtilega spili sem verður örugglega frábærasta spil sem þú hefur nokkurn tímann spilað (samkvæmt útgefanda).