Exacompta

-vandaðar vörur sem halda skipulaginu í toppmálum-

Það var árið 1928 sem Exacompta var sett á laggirnar í París í Frakklandi og hóf framleiðslu á vönduðum, handgerðum skrifstofuvörum. Í fyrstu lagði fyrirtækið áherslu á að framleiða höfuðbækur, fyrir bókhald fyrst og fremst, en með tímanum tóku fleiri vörur að bætast við. Í dag er vöruúrvalið gífurlega fjölbreytt og þekkt um alla Evrópu. Áhersla hefur verið lögð á vörur fyrir skipulag og stjórnun, bæði fyrir einstaklinga og fyrirtæki, og má þar nefna bréfabindi, teygjumöppur, tímaritabox, albúm undir frímerki, kóramöppur,  klemmur og teiknibólur og margt, margt fleira. Með vörunum frá Exacompta er auðvelt að hafa skipulagið í toppmálum.