Umbra er alþjóðlegt hönnunarfyrirtæki sem sérhæfir sig í framleiðslu á nútímalegum og frumlegum heimilisvörum.

Fyrirtækið var stofnað árið 1979 í Toronto, Kanada, af Les Mandelbaum og Paul Rowan en þeir félagar voru sammála um að þörf væri á nútímalegum hönnunarvörum, sem hentuðu inn á öll heimili, bæði hvað varðaði útlit og verð. Í dag fást vörur Umbra um allan heim og fyrirtækið er leiðandi í framleiðslu heimilisvara.

Hjá Umbra starfar teymi alþjóðlegra hönnuða þar sem skapandi hugsun, knúin áfram af nýsköpun, blandast inn í hversdagslega hluti sem koma við sögu í lífi okkar á hverjum degi. Meðal þess sem er að finna í vöruúrvali Umbra eru meðal annars hillur af öllum stærðum og gerðum, sápupumpur, skartgripastandar, snagar og snagahengi og ýmsar skipulagshirslur t.d. undir snyrtivörur og krydd.