Samsonite - sjálfstraust í hverri ferð

Sjálfstraust í hverri einustu ferð

Allt frá því að Samsonite var stofnað árið 1910 hefur fyrirtækið verið leiðandi á heimsvísu í framleiðslu á vönduðum ferðatöskum, farangri og fylgihlutum. Það er þekkt fyrir byltingarkenndar rannsóknir og þróun og fyrir að framleiða áreiðanlegar, nýstárlegar og sjálfbærar vörur sem lyfta ferðalögum upp á annað plan.

Framleiðslan er innblásin af fortíðinni, trú nútíðinni og byggð til að hvetja komandi kynslóðir áfram.

Eitt af aðalmarkmiðum Samsonite er að pakka sjálfstrausti í hverja einustu ferð og er það trú fyrirtækisins að fólkið sem ferðast og upplifir heiminn komi því áleiðis.

Styrkur og áreiðanleiki

Samsonite var stofnað af Jesse Shwayder árið 1910 í Denver, Colorado, í Bandaríkjunum. Upphaflega var fyrirtækið kallað Shwayder Trunk Manufacturing Company en fékk síðar nafnið Samsonite sem var innblásið af nafninu Samson í Biblíunni og táknar styrk og áreiðanleika.

Á þeim tíma sem Shwayder stofnaði fyrirtækið voru ferðalög bara fyrir útvalda; þá sem höfðu efni á því að ferðast og skoða heiminn. Farangurinn var þó ekki íburðarmikill, oft bara einföld kista úr tré, en Shwayder endurhannaði slíka kistu og bætti við hana skínandi smellum úr málmi og skreytti hornin á henni með málmi. Þannig varð bæði farangurskistan fallegri á að líta og sterkbyggðari.

Fyrsta taskan frá Samsonite var því nógu sterk til að hægt væri að standa ofan á henni eins og myndin hér til hliðar sýnir en hún var tekin árið 1916 og notuð í auglýsingu. Þar stendur Shwayder ofan á planka búið er að leggja ofan á töskuna, ásamt bræðrum sínum þremur og föður. Samtals vógu þeir meira en hálft tonn og við myndina stóð: „Samsonite: Nógu sterk til að hægt sé að standa á henni“
(e. "The Samsonite: Strong Enough To Stand On").

Fleiri ferðalög - léttari töskur

Eftir því sem fólk fór að ferðast meira og farið var að hanna og fljúga risavöxnum farþegaþotum, eins og Boeing 707, fór Samsonite að framleiða léttari ferðatöskur en áður höfðu þekkst.

Streamlite-ferðatöskurnar höfðu slétt og straumlínulagað ytra lag og þaðan var nafnið tilkomið. Þær höfðu stílhreint og sígilt útlit, voru með viðarramma sem klæddur var með léttu en sterku trefjaefni, með vönduðu fóðri, góðum hólfum fyrir farangurinn og styrkingum úr málmi á hornunum. Streamlite-töskurnar voru hannaðar til að vera léttar og auðveldar í notkun og þær urðu ákaflega vinsæll valkostur, bæði hjá konum og körlum.

Töskurnar eru taldar einar af þeim vörum sem eru táknrænar fyrir Samsonite og mótandi fyrir gott orðspor framleiðandans, þótt þær séu ekki lengur framleiddar. Upprunalegar Streamlite-töskur eru mjög eftirsóttar hjá söfnurum um heim allan og áhugafólki um hönnun.

Sífelld framþróun

Saturn™ kom á markað árið 1969 og var svar Samsonite við aukinni eftirspurn eftir enn léttari farangri. Taskan var úr frauðplasti (e. polypropylene) og með sprautumótuðum skeljum svo hún var bæði enn léttari og sterkari en aðrar töskur.

Árið 1974 var merkilegt ár fyrir margra hluta sakir. Til dæmis vann hin sænska sveit ABBA Eurovision það ár og Samsonite kynnti fyrstu ferðatöskuna á hjólum til sögunnar. Hún var í Silhouette-línunni og þótti bylting hvað varðaði þægindi á ferðalögum. Taskan náði líka til nýrrar kynslóðar fólks sem ferðaðist mikið.

Oyster™ var svo fyrsta ferðataskan með þriggja talna lás og hún sló strax í gegn. Taskan kom á markað árið 1986 og sló sölumet með 140.000 seldum eintökum á fyrsta ári í sölu.

Ziplite™ var enn ein nýjungin hjá Samsonite sem sló í gegn og markaði líka tímamót á ferðatöskumarkaðinum þegar hún birtist árið 1994. Taskan var sú fyrsta úr frauðplasti sem var lokað með rennilás og þar með urðu harðskelja töskur með rennilás þær vinsælustu og eftirsóttustu.

Samsonite kynnti fyrstu ferðatöskuna á hjólum til sögunnar árið 1974. Hún var í Silhouette-línunni og þótti bylting hvað varðaði þægindi á ferðalögum.

Oyster™ var fyrsta ferðataskan með þriggja talna lás og sló strax í gegn. Taskan kom á markað árið 1986 og sló sölumet með 140.000 seldum eintökum á fyrsta ári í sölu.

Ziplite™ var fyrsta ferðataskan úr frauðplasti sem var lokað með rennilás og þar með urðu harðskelja töskur með rennilás þær vinsælustu og eftirsóttustu.

Endurunnið efni notað við framleiðsluna

Samsonite leggur mikla áherslu á umhverfisvernd og stuðning við sjálfbærni og notar endurunnin og sjálfbær efni í síauknum mæli við framleiðsluna. Árið 2018 setti fyrirtækið á markað línuna The Eco Collection sem samanstóð af 23 vörutegundum sem unnar voru, og eru enn, úr endurunnu frauðplasti (e. polypropylene), Recyclex™.

Recyclex™ er þróað af Samsonite og búið til úr 100% endurunnum PET-plastflöskum sem gerir það bæði umhverfisvænt og sjálfbært. Efnið er sterkt, létt og endingargott þrátt fyrir að vera unnið úr endurunnu hráefni, en Samsonite leggur ávallt mikið upp úr því að allar vörur þess séu prófaðar til hins ítrasta.

Frá árinu 2018 til ársins 2024 hefur Samsonite framleitt meira en 50 vörumerki um allan heim úr sjálfbæru efni á borð við Recyclex™.

Magnum ECO - ekki alveg hefðbundin

Magnum ECO er enn ein rósin í hnappagatið hjá Samsonite. Skel töskunnar er gerð úr að minnsta kosti 70% endurunnu frauðplasti (e. pólýprópýlen) sem unnið er úr úrgangi á borð við jógúrtdósir. Fóðrið innan í töskunni er úr 97% endurunnu PET, sem er hluti af Recyclex™-tækninni sem Samsonite hefur þróað.

Töskunni er ekki lokað með rennilás, heldur þriggja punkta læsingu sem bæði er örugg og einföld í notkun. Þannig eiga fingralangir ekki auðveldan aðgang að innihaldi töskunnar með því að glenna í sundur rennilásinn eins og íslenskir ferðalangar sem hafa lent í því að vera rændir á ferðalögum kannast við að sé aðferðin sem hafi verið notuð við ránið.

Skelin er hörð úr sterku og vönduðu efni en taskan er þó einstaklega létt og meðfærileg.

Magnum ECO-töskurnar eru framleiddar í Evrópu og græn orka er notuð við framleiðslu skeljanna og samsetningu lokaútkomunnar.