0 Engin vara í körfu
Karfan mín
close
Samtals: 0 kr.
Afgreiðslutímar

InnX sameinast A4

InnX skrifstofuhúsgögn hafa sameinast húsgagnahluta A4. Sameinuð eining mun starfa undir merkjum A4 og öll starfsemi InnX er nú í nýjum og glæsilegum sýningarsal A4 í Skeifunni 17.

InnX skrifstofuhúsgögn hafa í yfir 20 ár verið leiðandi í sölu hágæða húsgagna og þjónusta mörg af og stærstu og þekktustu fyrirtækjum landsins. Á meðal vörumerkja InnX eru Steelcase, Orangebox, Bolia, Cube Design og Abstracta.

Með þessari sameiningu verður til öflugur aðili á sviði skrifstofuhúsgagna þar sem áhersla verður lögð á hágæða vörur, hagstæð verð og framúrskarandi persónulega þjónustu. Egilsson ehf., rekstraraðili A4, hefur verið starfandi í 40 ár og hefur að undanförnu lagt aukna áherslu á þennan markaði.

“Við sjáum mikil tækifæri á þessum markaði. Kröfur íslenskra fyrirtækja til aðbúnaðar starfsfólks eru miklar og með þessari sameiningu getum við boðið fyrirtækjum framúrskarandi lausnir þar sem áhersla er lögð á góða hönnun, mikinn sveigjanleika og samfélagslega ábyrgð. Við leggjum áherslu á að bæði arkitektar og verktakar geti leitað til okkar þegar kemur að verkefnum þar sem fara saman góð hönnun og hagkvæmni. Við höfum byggt upp sérfræði þekkingu á þessu sviði og teljum að viðskiptavinir InnX muni njóta þess við þessa sameiningu.” Segir Egill Þór Sigurðsson forstjóri A4.

Vörumerki InnX munu bætast við úrval A4 og engar breytingar verða á starfsmannahóp InnX eða A4 samfara þessum breytingum.