0 Engin vara í körfu
Karfan mín
close
Samtals: 0 kr.
Afgreiðslutímar

Íslenska vísar veginn - ísl. sem annað tungumál

VNR: IDN672302
7.289 kr.
Uppselt í vefverslun
Íslenska vísar veginn - ísl. sem annað tungumál

Lýsing: Þetta er kennslubók í íslensku fyrir nemendur af erlendu þjóðerni sem búsettir eru á Íslandi og einnig íslenska nemendur sem ekki hafa alist upp í íslensku málumhverfi.
Með námsefninu er leitast við að þjálfa nemendur í íslensku ásamt því að efla menningarfærni sem jafnframt stuðli að félagslegri vellíðan nemenda.
Nemendur af erlendu þjóðerni er mjög fjölbreyttur hópur sem er misjafnlega undir það búinn að hefja íslenskunám. Af þeirri ástæðu ræður kennslufræðileg nálgun miklu um röðina á viðfangsefnum bókarinnar og framsetningu þeirra. Haft er að leiðarljósi að vinna frá hinu einfalda til hins flókna, þannig að nemendur fái sem fyrst þá tilfinningu að þeir valdi viðfangsefninu og vaxi þor til þess að halda áfram.

Lögð er áhersla á að setja námsefnið fram á myndrænan hátt til að auðvelda nemendum námið. Málfræðiatriði sem kunna að verða lögð inn eru ívaf í setningar sem vaxa smátt og smátt að þyngd hvað orðaforða og uppbyggingu varðar.

Kennslufræðilegt gildi endurtekningar og þjálfunar verður seint ofmetið, ekki hvað síst í tungumálanámi. Bókin er því jafnframt verkefnabók og fylgja verkefni öllum efnisþáttum sem lagðir eru fyrir í bókinni. Einnig er tilvalið að þjálfa þá jafnframt munnlega.

Bókin er ætluð nemendum sem eru að hefja íslenskunám í framhaldsskóla en getur hugsanlega hentað nemendum í efstu bekkjum grunnskóla og fleirum sem stunda íslenskunám.

Fremst í bókinni eru skýringar á myndlyklum sem koma fyrir víðsvegar í bókinni og eiga að auðvelda nemendum að fylgja fyrirmælum. Lögð er áhersla á að hafa fyrirmæli einföld, þannig að nemendur geti hugsanlega fylgt þeim sjálfir án mikilla útskýringa. Bókin getur því ef til vill nýst þeim sem vilja læra íslensku upp á eigin spýtur.

Neðanmáls eru gefnar þýðingar á íslenskum orðum yfir á ensku í þeim tilgangi einum að það geti hugsanlega komið einhverjum nemendum til góða.