0 Engin vara í körfu
Karfan mín
close
Samtals: 0 kr.
Afgreiðslutímar

Persónuverndarstefna A4

Persónuverndarstefna A4 gildir um allar þær persónugreinanlegar upplýsingar sem fyrirtækið kann að safna gegnum vef A4 eða með öðrum rafrænum samskiptum.

Persónuverndarstefna A4, kt. 600209-0270 hlítir lögum nr. 90/2018 um persónuvernd og meðferð persónuupplýsinga. Lög um persónuvernd og vinnslu persónuupplýsinga ná ekki til lögaðila.

A4 hefur persónuvernd og öryggi að leiðarljósi í allri meðferð upplýsinga um viðskiptavini sína og ber ábyrgð á þeim gögnum sem fyrirtækið safnar.

A4 seldur aldrei persónugreinanlegar upplýsingar um viðskiptavini sína.

A4 leitast við að takmarka vinnslu persónugreinanlegra upplýsinga og safnar ekki ónauðsynlegum upplýsingum um viðskiptavini sína né starfsmenn. Gildir það um heimsóknir á vef A4 og önnur rafræn samskipti.

Þú getur lesið þér til um grundvallarhugtök laganna á vef Persónuverndar.

 

Hvernig safnar A4 upplýsingum um þig?

Þegar þú nýtir þér vef A4 þá þarft þú að gefa upp tilteknar upplýsingar um þig og einnig verða til upplýsingar um heimsókn þína.

  • Dæmi um upplýsingar sem þú gefur upp eru nafn, kennitala heimilisfang, netfang, greiðsluupplýsingar og greiðslukortaupplýsingar*.
  • Dæmi um upplýsingar sem verða til við heimsókn þína eru persónugreinanlegar upplýsingar á borð við nafn, kennitala, netfang og símanúmer. Landfræðilegar upplýsingar (hvar þú ert stödd/staddur), tungumálastillingar, vafrastillingar og IP tala.

Án þessara upplýsinga getur A4 ekki uppfyllt óskir þínar um viðskipti og þjónustu.

 

Hvað notar A4 til að safna upplýsingum?

Vefur A4 er í vefumsjónarkerfinu Smartwebber frá Smartmedia. Smartmedia hefur innleitt vinnuferla hjá sér í samræmi við gildandi persónuverndarlög. Starfsmenn fyrirtækisins hafa sótt alþjóðlegt viðurkennt nám hjá IAPP sem eru samtök fagfólks í persónuvernd. A4 hefur gert sérstakan vinnslusamning við Smartmedia.

A4 notar Siteimprove til vefmælinga og gæðaeftirlits. Með Siteimpove er meðal annars hægt að fylgjast með gæðamálum á vefnum, skoða hvort hlekkir eru brotnir og hvort vefurinn uppfylli kröfur um aðgengi. A4 hefur gert sérstakan gagnavinnslusamning við Siteimprove.

A4 notar Google Analytics til vefmælinga. Í gegnum það eru ýmis atriði skráð eins og tími heimsókna á vefinn, dagsetning, gerð tækis, vafra og stýrikerfis.

A4 notar póstforritið Mailchimp til að senda meðlimum í A4 klúbbnum upplýsingar um tilboð og inneign sína.

A4 notar netspjallið LiveChat til að viðskiptavinir geti haft samband beint við þjónustufulltrúa í gegnum vefinn. 

A4 notar vafrakökur (e. cookies) og þegar þú smellir á „Ég samþykki“ ertu að leyfa okkur að nota vafrakökur. 

Skilmálar vafrakaka

Vafrakökur eru litlar textaskrár, nokkurs konar fótspor sem vistast í tölvu notandans. Þær eru notaðar til að bera kennsl á notendur sem hafa komið áður á vefinn og sníða leit og þjónustu til samræmis við auðkenninguna ásamt því að greina heimsóknir á vefsíðuna.

Aðrar vefsíður eiga ekki að geta lesið upplýsingarnar sem eru geymdar í textaskránni. Með notkun kaka öflum við vitneskju um notkun á vefnum og hvaða efni notendur skoða og getum því aðlagað vefinn betur að þörfum þeirra.

Með því að samþykkja skilmála um notkun á kökum er okkur m.a. veitt heimild til þess að safna og greina upplýsingar eins og t.d.:

  • Fjöldi gesta og fjöldi innlita frá gestum
  • Lengd innlita gesta
  • Hvaða síður innan vefsins eru skoðaðar og hversu oft
  • Hvaða stýrikerfi og vafrar eru notuð til að skoða vefinn
  • Hvaða leitarorð af leitarvélum vísa á vefinn
  • Hvaða vefsvæði vísaði notanda á vefinn
  • Hvenær dagsins vefurinn er skoðaður

Allar upplýsingar sem kökurnar gefa okkur eru nafnlausar og eru engar persónulegar upplýsingar vistaðar. Engum upplýsingum er deilt með þriðja aðila.

Í flestum vöfrum er hægt að breyta öryggisstillingum svo að þeir taki ekki á móti kökum. Einnig á að vera hægt að eyða þeim. Nánari upplýsingar um hvernig það er gert má finna í stillingum flestra vafra.

Nánari upplýsingar um vafrakökur.

Réttur þinn

Þú átt rétt á að fá aðgang að þeim persónuupplýsingum sem við kunnum að hafa um þig. Þú getur líka í sumum tilvikum átt rétt á að upplýsingar verði leiðréttar eða þeim eytt.

Ef þú vilt fá upplýsingar um persónugreinanlegar upplýsingar sem við kunnum að hafa um þig getur sent okkur tölvupóst á personuvernd@a4.is

______________________________________

* A4 geymir engar kortaupplýsingar og fær einungis upplýsingar hvort að greiðsla hafi farið gegn eða ekki.