Ferðatöskur
A4 Húsgögn
Askja
Askja, náttúrufræðahús Háskóla Íslands, er glæsileg bygging sem var vígð vorið 2004. Húsið var á sínum tíma bylting fyrir nema í líf- og jarðvísindum og gegnir mikilvægu hlutverki í háskólasamfélaginu. Í byggingunni er stærsti gluggi landsins sem setur svo sannarlega svip á umhverfið, gerir það vistlegt og vefur það birtu. Nú hefur önnur bylting átt sér stað í Öskju því aðstaða nemenda og starfsfólks hefur verið bætt enn frekar með húsögnum frá A4. Þannig hefur lesrými meistaranema verið uppfært ásamt almennum vinnurýmum í húsinu. Að auki var hluti húsgagna í opnum rýmum uppfærður til að auka þægindi og hlýleika fyrir gesti og gangandi.
Sveinatunga
Sveinatunga, fjölnota fundarsalur bæjarstjórnar Garðabæjar, vekur strax athygli gesta fyrir praktíska, sveigjanlega hönnun sem á sama tíma er einkar glæsileg. Veggir eru færanlegir og þannig er hægt að sameina herbergi þegar halda þarf stærri fundi og kynningar. Yrki arkitektar hlutu 1. verðlaun í hönnunarsamkeppni sem sneri að breytingum á þessu húsnæði þannig að það nýttist sem fundaraðstaða, samkomustaður og sýningarrými fyrir bæjarskrifstofur Garðabæjar. Stólarnir frá A4 setja svo punktinn yfir i-ið og sjá til þess að vel fari um fundargesti.
Háskólinn í Reykjavík
Kennararými Háskólans í Reykjavík er glæsilegt, margnota rými þar sem starfsfólk á stund milli stríða í erli dagsins. Þar eru einnig haldnir fundir, fyrirlestrar og aðrar samkomur. Einstakur arkitektúr hússins fær að njóta sín og sérstök áhersla var lögð á þægindi og einfaldleika húsgagnanna. Húsgögnin koma frá EFG og heildarsvipur rýmisins er tryggður með því að velja samskonar áklæði á húsgögn úr mismunandi línum. Allir fætur voru sprautaðir svartir og öll bólstruð húsgögn voru klædd með Canvas áklæði frá Kvadrat í tveimur gráum litum. Útkoman er bæði falleg og praktísk.